本帖最後由 volongoto 於 10-6-2012 02:43 編輯
(最後更新:10/6)
CS Online ID: FaiJaiv0v
改呢個名既原因:
當係本人係叫啊輝啦
不過認識我既人都知之前有唔同既名
曾經的名字:
lExperinece小輝l
Survivel小輝0w0
l綠柳曲折伴嫣紅l
經過幾次改名,都係叫輝仔比較有親切感
玩CSO既經過:
要講第一次接觸CS系列遊戲,
就要到小學果陣啦,
當時同同學偷偷地入網吧,見到好多人拎住支槍係咁射
好似好好玩咁,咪搵機會同FD研究下點玩,
CS生涯就咁開始左
一開頭係玩CS1.5,畫質,動作流暢度等緊係冇宜家咁好啦
但係都冇放棄既念頭,愈玩愈耐,好似上隱咁
當一有時間用電腦就馬上開遊戲黎玩,一年又一年
由CS 1.5-CS 1.6,直到CSO既出現!
雖然未玩CSO之前,不時有玩CS.16,
但係熱情已經慢慢轉淡,,已經搵唔到新鮮感
當時好多公司推出好多有趣既遊戲,機迷既我又點會錯過
基本上,當時所推出既遊戲都玩過下,
但每次都係 [打怪升級>刷副本>買點沖裝> P K大會]
我已經討厭呢種玩法,慢慢對遊戲產生失望感
經過一段時間,朋友介紹我玩CSO,從此踏進CSO既大門~
遊戲經過:
相信大部cso玩家第一場遊戲
緊係玩特色既殭屍模式啦! 當然我亦唔例外~
新手入到去緊係唔知做咩啦
幾秒後,手上突然間拎住把基本衝鋒槍
又見到有時間倒數緊, 心諗: 發生咩事,宜家做緊乜(?)
望住倒數時間一秒一秒過去, 3..2..1 啊~~係一番慘叫之下
發現自己變成殭屍,,然後成班人圍攻我
過左一陣,頭腦恢復清晰!
oh~明白曬,原來倒數完會隨機抽人做殭屍
新手緊係唔識玩啦,好快就比人秒殺左
到下一回合,同樣既倒數,3..2..1, (殭屍慘叫~~)
今次我冇變做屍,我興奮到大叫左一聲YES!
留心跟住大隊走,黎到一個屋頂~
見到有高位就馬上跳過去啦,一跳完轉身就見到隻殭屍王追住我~
嘩,好釆反應得切,馬上換返把基本槍,對住屍王個頭係咁打
YO,成功打到佢退後!
經過使用基本槍一段時間既浸淫~
慢慢發現原來拎普通槍已經滿足唔到自己,
開始跟大家一樣,買點抽槍,不能自拔..踏進遊戲橘子既 黑色陰謀~
抽槍=買六合彩,係一樣可以抽100個都未必中既玩意,但係我竟然個個禮拜都會抽返次~
次次都抽唔中靚槍,由一開頭50蚊到之後100蚊
無間斷咁買....雖然8成抽唔中永久槍,只係一些冇用既配件
但抽得多,,點都會抽中小小靚野既@@'
我既愛槍:
當時抽到金槍好開心,估唔到自己咁好運, 真係風水輪流轉~!
心諗有金槍好易玩姐,加上都玩左一段時間.
一場又一場,每日進步緊,我已經以為自己係所向無敵了:lol
就咁..打屍做屍打屍做屍,,過左一排都玩到悶
轉左玩一般模式,加入過好多軍團,亦開個幾次軍團~
到近期,入左個唔錯既軍團 !
同團入邊既成員都漸漸熟絡,不時一齊打街場同團戰~
技術漸見成熟~
時常葉問上身,一個打幾個,街場亦經常TOP1
之後推出任務系統,做完指定任務會有榮譽點數,
夠一定點數稱號就會變色~
有個任務叫做 : 死神降臨
要連續3連殺1000次~囧
有一日係街場成功打出稱號
慢慢草夠250點,稱號終於變成藍色( 照片事後補上的@@v )
感受:
我愛CSO呢隻遊戲,同其他網絡遊戲唔同,
勁同唔勁唔係睇等級,而係睇技術,
同團友一齊傾計,一齊努力~就係玩CSO最開心既時候~:handshake
最後送上我製作既2條影片~
樂古2月正片冠軍!
樂古5月正片冠軍!
請使用1080p觀看!
~同時亦係呢度祝樂古7週年生日快樂 ~
酒越久越醇,朋友越交越真
水越流越清,樂古越柒越旺:victory:
(意解:越過7年後,人流越旺 )
後感:
用左幾日時間,終於打完呢篇活動作品
雖然因為呢次機會,我先有可能跟大家分享我既經過,
而呢D過程,係好值得各位回味~
打機唔係唔好,但要適當地調節休息時間,
打機都可以學到好多野,上樂古亦會大大增加各位眼界
大家,加油啦~
第一次係樂古打咁長,咁多內容既文章~
細佬我讀得書少,可能會有錯字同語法不通,請見諒~
|